ರಾಣೇಬೆನ್ನೂರಿನಲ್ಲಿ “ಸವಣೂರ ನವಾಬರ” ಕಾಲದ ಶಾಸನ ಪತ್ತೆ.......!!!

ರಾಣೇಬೆನ್ನೂರಿನಲ್ಲಿ “ಸವಣೂರ ನವಾಬರ” ಕಾಲದ ಶಾಸನ ಪತ್ತೆ.......!!!
 
ರಾಣೇಬೆನ್ನೂರಿನ ಸಮೀಪದಲ್ಲಿರುವ ಹುಣಸಿಕಟ್ಟೆ ಗ್ರಾಮದ ಮಾರ್ಗದಲ್ಲಿ ಸವಣೂರ ನವಾಬರಾದಂತಹ “ನವಾಬ್ ಹಜರತ್ ದಿಲೇರ್‍ಜಂಗ್ ಬಹಾದ್ದೂರ್” ಕಾಲದ ಪರ್ಶಿಯನ್ ಭಾಷೆಯ ಶಾಸನವನ್ನು ಹಾವೇರಿಯ ಉಪನ್ಯಾಸಕರಾದ ಪ್ರಮೋದ್ ನಲವಾಗಲ ಹಾಗೂ ಪವನ ಬೊಮ್ಮಣ್ಣನವರ ಪತ್ತೆ ಮಾಡಿದ್ದಾರೆ.

ನವಾಬ್ ಹಜರತ್ ದಿಲೇರ್‍ಜಂಗ್ ಬಹಾದ್ದೂರ ರಾಣೇಬೆನ್ನೂರಿಗೆ ಆಗಮಿಸಿದಾಗ ಸೈಯದ್ ಮೀರಾನ್ ಖಾದ್ರಿ ತಂದೆ ಸೈಯದ್ ಹುಸೇನ್ ಖಾದ್ರಿ, ನವಾಬರನ್ನು ಸ್ವಾಗತಿಸಿದಕ್ಕಾಗಿ ಸಿದ್ದಾಪುರ ಗ್ರಾಮವನ್ನು (ರಾಣೇಬೆನ್ನೂರ ಸಮೀಪದ ಗ್ರಾಮ) 18 ರ ರಂಜಾನ್ ದಿವಸದ ಹಿಜರಿ ಶಕೆ 1128 (ಕ್ರಿ.ಶ.1707) ರಂದು ಇನಾಂ ನೀಡಿದ್ದಾರೆ ಎಂಬ ವಿಷಯವು ಶಾಸನದಲ್ಲಿದೆ ಎಂದು ಪರ್ಶಿಯನ್ ಭಾಷೆಯ ಅನುವಾದಕರು ಹಾಗೂ ಕಿಲ್ಲಾ ಮಸೀದಿಯ ಅರಬಿ ವಿದ್ವಾಂಸರಾದ ಮೌಲಾನ ಮೊಹ್ಮದ್ ಯಾಖೂಬ್ ಸಾಬ್ ಗಯಾವಿ ತಿಳಿಸಿದ್ದಾರೆ. 
  
ಸ್ಥಳಿಯ ಶಾಸಕರಾದ ಆರ್. ಶಂಕರ್,ತಹಶೀಲ್ದಾರರಾದ ಶ್ರೀ.ರಾಮಮೂರ್ತಿ, ಅಂಜುಮನ್ ಸಂಸ್ಥೆ ಅಧ್ಯಕ್ಷರಾದ ಶ್ರೀ.ಅಬ್ದುಲ್ ವಹಾಬ್ ಶಾಫೀ ಹಾಗೂ ಸದಸ್ಯರ ಉಪಸ್ಥಿತರಿದ್ದರು. ಶಾಸನವನ್ನು ತಹಶೀಲ್ದಾರ್ ಕಛೇರಿಯಲ್ಲಿ ಸಂರಕ್ಷಿಸಿ ಇಡಲಾಯಿತು.

Comments

Post a Comment

Popular posts from this blog

ಹೊಯ್ಸಳರ ಲಾಂಛನದಲ್ಲಿಯ ಪ್ರಾಣಿ ಹುಲಿಯಲ್ಲ ಸಿಂಹ...!

Image
ಹೊಯ್ಸಳರ ಲಾಂಛನದಲ್ಲಿಯ "ಪ್ರಾಣಿ ಹುಲಿಯಲ್ಲ ಸಿಂಹ"..................! ಹೊಯ್ಸಳರ ದೊರೆ ವಿಷ್ಣುವರ್ಧನ್ ಈಗಿನ ಹಾವೇರಿ ಜಿಲ್ಲೆಯ ಬಂಕಾಪುರ ಹಾಗೂ ಹಾನುಗಲ್ ನ್ನು ಉಪರಾಜಧಾನಿಗಳನ್ನಾಗಿ ಮಾಡಿಕೊಂಡು ಆಡಳಿತವನ್ನು ಮಾಡಿ ಕೊನೆಗಾಲದಲ್ಲಿ ಬಂಕಾಪುರದಲ್ಲಿಯೇ ಪ್ರಾಣವನ್ನು ಬಿಟ್ಟನು ಎಂಬುದು ವಿಶೇಷ. ರಟ್ಟಿಹಳ್ಳಿಯ ಕದಂಬೇಶ್ವರ ದೇವಸ್ಥಾನದ ಮೇಲ್ಭಾಗದಲ್ಲಿ ಹಾಗೂ ಚೌಡದಾನಪುರದ  ಮುಕ್ತೇಶ್ವರ  ದೇವಸ್ಥಾನಗಳಲ್ಲಿ ಹೊಯ್ಸಳರ ಲಾಂಛನವನ್ನು ನೋಡಬಹುದಾಗಿದೆ. ಆದರೆ ಅವುಗಳು ತನ್ನ ನಾಯಕನ ಕಥೆಯನ್ನು ಜನರಿಗೆ ವಿಭಿನ್ನ ರೀತಿಯಲ್ಲಿ ತಿಳಿಸುತ್ತಿರುವುದು ವಿಶೇಷ.  ದಂತಕತೆಯ ಪ್ರಕಾರ ಜೈನ ಗುರು ಸುದತ್ತಚಾರ್ಯನು ಸೊಸೆಯೂರಿನ ವಾಸಂತಿಕಾ ಮಂದಿರದಲ್ಲಿ ಹುಲಿಯು ಬರಲು, ಅದನ್ನು ಹೊಡೆಯಲು ತನ್ನ ಶಿಷ್ಯ "ಸಳನಿಗೆ" "ಹೊಯ್ ಸಳ" ಎಂದು ಆಜ್ನಾಪಿಸಿದನು. ಇದೆ ಹೊಯ್ಸಳ ಶಬ್ದದ ಮೂಲ ಎನ್ನುತ್ತಾರೆ. ಈ ದಂತ ಕಥೆಯು ಕಂಡು ಬಂದದ್ದು ಕ್ರಿ.ಶ ೧೧೧೭ರ ವಿಷ್ಣುವರ್ಧನನ ಶಾಸನದಲ್ಲಿ. ಆದರೆ ಇದರ ತಥ್ಯ ಅನುಮಾನಾಸ್ಪದವಾಗಿದ್ದು ಇನ್ನೂ ದಂತಕಥೆಯ ರೂಪದಲ್ಲಿಯೇ ಉಳಿದಿದೆ. ಕಾರಣ ಹುಲಿಯೊಡನೆ ಬೇಟೆಯಾಡಲು ಆತನಿಗೆ ಅಹಿಂಸಾ ಧಮ೯ ಅಡ್ಡಿಯಾಗಲಿಲ್ಲವೆ ? ಎಂಬ ಪ್ರಶ್ನೆಗೆ ಉತ್ತರ ಇಲ್ಲಿದೆ ಅದೆನೆಂದರೆ.........ಅಡ್ದಿಯಾಗಲಿಲ್ಲ ......ಎಕೆಂದರೆ ಆತ ಮೂಲದಲ್ಲಿ ಬೇಟೆಗಾರನಾಗಿದ್ದು ಆ ಸ್ಥಳದಲ್ಲಿ ಬೇಟೆಯನ್ನಾಡುತ್ತಿರುವ...
Read more

ಹಾವೇರಿ ಜಿಲ್ಲೆಯಲ್ಲಿಯ ಶಾಸನಗಳಲ್ಲಿ ಬಸವಣ್ಣನವರು

Image
ಅಂಬಿಗರ ಚೌಡಯ್ಯನವರ ಗದ್ದುಗೆ- ಚೌಡಯ್ಯದಾನಪುರ ಇಂಗಳೇಶ್ವರ-ಬಾಗೇವಾಡಿಯಲ್ಲಿಯ ಶುದ್ದ ಶೈವ ಬ್ರಾಹ್ಮಣ ದಂಪತಿಗಳಾದ ಮಾದರಸ-ಮಾದಲಾಂಬಿಕೆ ದಂಪತಿಗಳು ಶಿವನ ಪೂರ್ಣ ಭಕ್ತರಿದ್ಧದರಿಂದ  ಶಿವನ ವಾಹನವಾದ ನಂದಿಯು ಇವರ ಗಭ೯ದಲ್ಲಿ ಬಸವನೆಂಬ ಹೆಸರಿನಿಂದ ಅವತರಿಸಿತು. ಪಾಲ್ಕುರಿಕೆ ಸೋಮನಾಥ, ಸಿಂಗಿರಾಜಪುರಾಣ, ಹರಿಹರನ ರಗಳೆಯಲ್ಲಿ ಹಾಗೂ ರಾಚಪ್ಪಯ್ಯನ 'ನಂದಿ ಆಗಮ ಲೀಲೆಯಲ್ಲಿ' ಬಸವಣ್ಣನವರ ಜನನದ ಉದ್ದೇಶವನ್ನು ವಿವಿದ ರೀತಿಯಲ್ಲಿ ಬಿಂಬಿಸಿದ್ದರು ಅದು 'ಲೋಕ ಕಲ್ಯಾಣಕ್ಕೆ' ಮಾತ್ರವೆಂದು ನಾವು ತಿಳಿಯುವುದು ಒಳಿತು. ಬಸವಣ್ಣನವರು ಯಾವುದೇ ಅಂಧಶ್ರದ್ಧೆ, ಜಡ ಸಂಪ್ರದಾಯಗಳನ್ನೊಪ್ಪದ ಸತ್ಯಾನ್ವೇಷಕರಾಗಿ ಹೆತ್ತವರನ್ನು, ಬಂಧು-ಬಾಂಧವರನ್ನು ತೊರೆದು ವಿದ್ಯಾಕಾಂಕ್ಷಿಯಾಗಿ ಕೂಡಲ ಸಂಗಮದ ಗುರುಕುಲಕ್ಕೆ ಬಂದರು. ಶಾಸ್ತ್ರಾಧ್ಯಯನ, ಯೋಗಾಭ್ಯಾಸಗಳಲ್ಲಿ ಬಾಲ್ಯವನ್ನು ಕಳೆದು ತಾರುಣ್ಯಕ್ಕೆ ಕಾಲಿರಿಸಿದರು. ಜನರಲ್ಲಿ ಮನೆ ಮಾಡಿಕೊಂಡಿದ್ದ ಮೌಢ್ಯತೆ, ಕಂದಾಚಾರ, ಜಾತೀಯತೆಗಳನ್ನು ಕಂಡು ಮನನೊಂದು ಪರಿಹಾರವನ್ನು ಅರಸತೊಡಗಿದರು. ಆಚಾರವೇ ಸ್ವರ್ಗ, ಅನಾಚಾರವೇ ನರಕ’ ಎಂದು ಸಾರಿ, ‘ಹೊನ್ನಶೂಲ’ ಎಂದು ಹೊಗಳಿಕೆಯನ್ನು  ದೂರವಿಟ್ಟು 'ಕೂಡಲ ಸಂಗಮದೇವನಿಗೆ' ಸರ್ವಾರ್ಪಣೆ ಮಾಡಿಕೊಂಡರು. ಶುಭ್ರಜೀವನ, ಸಮತಾಭಾವ, ಕಾಯಕಗಳ ಆದರ್ಶಗಳನ್ನು ಸಾರಿದರು, ಅವನ್ನೇ ಆಚರ...
Read more

ಹಾವೇರಿ ಜಿಲ್ಲೆಯ ಎಂಟು ತಾಲೂಕುಗಳ ಕಿರು ಪರಿಚಯ....!!!!

Image
ಶಿಗ್ಗಾಂವ (ಅರಟಾಳ) ರಾಣೇಬೆನ್ನೂರು ಹಿರೇಕೆರೂರು (ಹಳ್ಳೂರು) ಬ್ಯಾಡಗಿ (ಹಾವನೂರು ಹನುಮಂತಗೌಡರ ಶಿಲ್ಪ) ಹಾವೇರಿ ಜಿಲ್ಲೆಯಲ್ಲಿ ಅನೇಕ ಪ್ರೇಕ್ಷಣೀಯ ಸ್ಥಳಗಳಿದ್ದು ಅವುಗಳ ಇತಿಹಾಸವು ಅಮುಲ್ಯವಾಗಿದೆ. ಇಂತಹ ಸ್ಥಳಗಳನ್ನು ನಾವು ವೀಕ್ಷಿಸಲು ನಮ್ಮ ಕುಟುಂಬ ಪರಿವಾರ ಸಮೇತ ಹೋಗುತ್ತಿರುವಾಗ, ಅದರ ಇತಿಹಾಸ ನಮಗೆ ಗೊತ್ತಿರುವುದು ಒಳ್ಳೆಯದು, ಏಕೆಂದರೆ ಅವುಗಳ ಇತಿಹಾಸವನ್ನು ತಿಳಿಸುವುದರಿಂದ ಆ ಸ್ಥಳಗಳ ಬಗೆಗಿನ ಆಕರ್ಷಣೆ ಇಮ್ಮಡಿಗೊಳ್ಳುತ್ತದೆ. ವಿಶೇಷವಾಗಿ ಶೈಕ್ಷಣಿಕ ಪ್ರವಾಸದ ವೇಳೆ ಇಂತಹ ಅನುಭವ ಇರುವ ವ್ಯಕ್ತಿ ನಮ್ಮೊಂದಿಗೆ ಮಾರ್ಗದರ್ಶಕರಾಗಿದ್ದರೆ ಬಹಳ ಒಳ್ಳೆಯದು ಎನ್ನುವ ಭಾವನೆ ನನ್ನದು. ಹಾವೇರಿಯನ್ನು ಧಾರವಾಡ ಜಿಲ್ಲೆಯಿಂದ ಬೇರ್ಪಡಿಸಿ ಪ್ರತ್ಯೇಕ ಜಿಲ್ಲೆಯನ್ನಾಗಿ 24/08/1997 ರಂದು ಘೋಷಣೆ ಮಾಡಿದರು. ಕರ್ನಾಟಕದ ಮಧ್ಯಭಾಗದಲ್ಲಿರುವ ಈ ಜಿಲ್ಲೆಗೆ ಎಂಟು ತಾಲೂಕುಗಳನ್ನು ಸೇರಿಸಿ ಇದರ ಸೋಬಗನ್ನು ಮತ್ತಷ್ಟು ಹೆಚ್ಚಿಸಿದರು.  ಹಾವೇರಿ ಜಿಲ್ಲೆಯಲ್ಲಿ  07 ( ಇತ್ತೀಚಿಗೆ 01 ಸೇರಿಕೊಂಡು 08) ತಾಲೂಕುಗಳು, 703 ಗ್ರಾಮಗಳು ಮತ್ತು 10 ಪಟ್ಟಣಗಳಿವೆ. ಭಾರತ 2011 ರ ಜನಗಣತಿಯ ಪ್ರಕಾರ, ಹಾವೇರಿ ಜಿಲ್ಲೆಯಲ್ಲಿ 330414 ಕುಟುಂಬಗಳಿವೆ, 1597668 ಜನಸಂಖ್ಯೆಯಲ್ಲಿ 819128 ಪುರ...
Read more